Ганцаўчанін выйграў у латарэю 15 тысяч долараў
Прадпрымальнік Аляксандр Семечка стаў шчаслівым абладальнікам латарэйнага білета, якія выпадкова купіў у Мінску. Яго выйгрыш склаў больш за 30 тысяч рублёў (на старыя грошы – 300 мільёнаў). А ўсё пачалося з кубачка кавы...
Ганцаўчанін выйграў у латарэю 15 тысяч долараў / Фото: youtube
Купляць латарэйныя білеты Аляксандр Іванавіч і не збіраўся. Але так здарылася, што, купіўшы кучабак кавы на вуліцы, ён шукаў, куды б яго паставіць, бо, гарачы, ён апякаў руку, а ў другой была сумка. Побач за столікам сядзела жанчына, якая прадавала латарэйныя білеты.
Ён і паставіў кубачак на столік, каб кава крыху астыла. А прадпрымальная жанчына прычапілася, каб мужчына купіў білецік, бо паэксплутаваў жа яе столік. Аляксандр Іванавіч не змог адмовіцца і заплаціў за два латарэйныя білеты. І фартуна яму ўсміхнулася.
На ўручэнні сертыфіката на 30480 рублёў (а гэта амаль 15 тысяч долараў) Аляксандр Семечка расказаў гісторыю пра каву і дабавіў, што выйгрышу больш радавалася яго жонка Дана. Падзякаваўшы, у рамках дабрачыннай акцыі «Добрыя справы» 500 рублёў удачлівы абладальнік прыстойнай сумы ахвяраваў духавому аркестру Ганцавіцкага ГДК, удзельнікам якога з`яўляецца і сам.
А вось гісторыю выйгрыша, якую расказалі яго знаёмыя, як яны кажуць, са слоў Аляксандра Іванавіча, больш цікавая. Ці сябры ўжо прыхарошылі яе дзеля жарту, ці так і было, вырашайце самі. Але дзеянне, па іх словах, разгортвалася так.
Купіўшы ў назойлівай цёткі два білеты, забіраць іх Аляксандр Іванавіч спачатку нават не хацеў. Але жанчына сама выхапіла са стосу два білеты, дагнала яго і аддала ў рукі. Кінуўшы білеты ў бардачок аўтамабіля, на нейкі час пра іх А. Семечка забыўся. Аднойчы, нешта шукаючы, убачыў гэтыя латарэі і вырашыў іх праверыць дзеля цікавасці.
Першы білет аказаўся без выйгрышу. А вось другі «засвяціўся»! Спачатку Аляксадру падалося, што выйгрыш – 300 рублёў, і ён абрадаваўся, падумаўшы, што жонцы можна не казаць і купіць гумавую лодку. А калі лепш прыгледзеўся, падалося, што гэта ж не 300, а 3000 рублёў! Тут ужо на лодку з маторам хопіць!
А супакоіўшыся і ўрэшце добра палічыўшы ўсе нулі, сэрца спачатку моцна закалацілася ад радасці, але потым… засумаваў: 30 тысяч рублёў ужо ад Даны не ўтоіш. Прыйдзецца расказваць пра выйгрыш…
Канешне, жонка вельмі ўзрадавалася. Вось так Аляксандр Іванавіч і застаўся без лодкі і матора…
Жарт жартам, а вось ц і паявілася-такі лодка з маторам у Аляксандра Іванавіча, трэба ў яго пацікавіцца. А калі сур`ёзна, то можна парадавацца, што хоць некаму з нашых землякоў шанцуе.
Новости
- 17:27 Пассажиры смогут платить QR-кодом в клубе СВ
- 17:16 У границы с Литвой задержали мужчину с дроном
- 16:57 Мошенники крадут деньги у жителей Могилевской области
- 16:45 Заморозки осложнят поездки водителей на юго-востоке
- 16:39 Ганцевичская ЦРБ строит пятиэтажный корпус
- 13:36 Из Гомельской области изъяли дыни из-за нитратов
- 12:50 Фирма в Столинском районе памятник обещала к сентябрю – перенесла на октябрь…
- 12:39 На сельхозпредприятии Могилевской области госконтроль нашёл нарушения
- 12:15 В Барановичах запретили китайские закуски из-за нарушений
- 15:59 Рыболовам запретят ловить в зимовальных ямах
Материалы по теме
У якіх школах ужо ніколі не будзе вечароў сустрэчы выпускнікоў
Кожны люты у школах Беларусі ладзяць вечары сустрэчы з выпускнікамі. Па-за мяжой гэтай традыцыі застаюцца сотні і нават тысячы выхадцаў школ, якія пазачынялі. Іх родныя альма-матэр цяпер больш падобныя на раскіданыя гнёзды, якія ніколі не сагрэюць сваім цяплом.
Беларус расказаў, як здаваў на правы ў Нью-Ёрку
Першае, што робяць новапрыбыўшыя эмігранты ў ЗША, гэта здаюць на правы. Яны неабходны, як мужчынам, так і жанчынам, бо ў Амерыцы без машыны, як без ног і рук. Нью-Ёрк, бадай, што адзіны горад, дзе без яе яшчэ можна абыйсціся. Але правы - неабходны дакумент. У ЗША іх выкарыстоўваюць замест пашпарта. Таму і я, як эмігрант, таксама вырашыў атрымаць правы штата Нью-Ёрк.
Ганцавічы – на першым месцы ў Беларусі, дзе роднай мовай называюць беларускую
Брэсцкая вобласць лідзіруе па ўжыванні беларускай мовы ў штодзённым жыцці. Такое падсумаванне зрабіў «Альфа-Банк» згодна перапісу насельніцтва 2019 года. Ганцавіцкі раён – адзіны ў краіне, дзе больш за 90% насельніцтва вызначаюць беларускую мову роднай, а ў сельскай мясцовасці дык і зусім 95.8%.
У Ганцавіцкім раёне дадзеныя аб намалотах перадавікоў фальшывыя
Дзіўныя вынікі намалотаў паказваюць ганцавіцкія хлебаробы, калі знаёміцца з імі па табліцах “Перадавікі жніва”, надрукаваных у газеце “Савецкае Палессе”. Каб атрымаць дакладныя звесткі і расказаць чытачам аб выніках жніва ў сельгас-прадпрыемствах, журналіст «Ганцавіцкі чаЧ” у жніўні, звярталася да намесніка старшыні Ганцавіцкага райвыканкама Юрыя Лелеса. Дарэчы, жніво, згодна справаздач, ужо завяршылася.
Нітачку пацягнеш – клубочак і разблытаецца
Заклапочанасць работнікаў прадпрыемстваў і многіх другіх жыхароў Ганцаўшчыны выклікае лёс прадпрыемстваў, якія цяпер знаходзяцца на стадыі банкруцтва. І калі па ПМК-7 перад судом стаіць пытанне аб ліквідацыі, але захоўваецца шанс, што прадпрыемства купіць нехта з Расіі, то лёс ААТ “Модуль” невядомы.