Ксёндз Ян Саламон больш за палову свайго жыцця служыць Богу
Юбилей, 40 год святарскага пасвячэння, адзначыў 29 мая пробашч касцёла Адведзінаў Найсвяцейшай Панны Марыі ў горадзе Ганцавічы ксёнд-доктар Ян Саламон. Пачынаў сваё служэнне Богу ксёндз у Польшчы.
Ксёндз Ян нарадзіўся ў 1952 годзе ў сям’і простых рабочых ў Здуньскай Волі – на радзіме Святога Максіміліяна Кольбе. Бацькі былі занятыя на працы ў лёгкай прамысловасці. Усяго ў сям’і было пяцёра дзяцей: чатыры браты і адна сястра. Ян самы старэйшы сярод дзяцей. Пасля заканчэння сярэдняй школы Ян вучыўся ў духоўнай семінарыі ў Влёцлаўку.
«Я яшчэ ў школе адчуў, што маё пакліканне – служыць Богу, – распавядае Ян Саламон. – Таму і працягнуў навучанне». Па яго прыкладзе ксяндзом стаў яшчэ адзін з братоў. Пасля пасвячэння Ян Саламон вучыўся ў каталіцкім універсітэце.
У Беларусь ён прыбыў 12 студзеня 1991 года. Нёс служэнне ў Жлобіне, Рагачове і Светлагорску, дзе ў 2000-ым годзе пад яго кіраўніцтвам і пры яго непасрэдным удзеле быў пабудаваны касцёл. У Светлагорску служыў ксяндзом 12 гадоў. Затым прыняў беларускае грамадзянства. За дзясяткі гадоў служэння Беларусь стала яму другой радзімай, і ў Польшчы Ян Саламон цяпер бывае, толькі калі наведвае бацьку і іншых сваякоў. Мама яго памерла два гады таму.
З 2003 года доктар тэалогіі ксёндз Ян Саламон працаваў рэктарам Міждэцызіяльнай вышэйшай духоўнай семінарыі імя Святога Тамаша Аквінскага ў Пінску. У 2015 годзе годзе ён стаў пробашчам касцёла ў Пружанах. З 11 снежня 2016 года Ян Саламон пераведзены на служэнне пробашчам у Ганцавічы.
Па сённяшні дзень ксёндз Ян застаецца ў Беларусі, каб і надалей несці Слова Божае да людзей, спрыяць развіццю духоўнасці нашай Бацькаўшчыны. Усе гэтыя 40 гадоў былі нялёгкімі ў яго душпастырскай працы, аднак вельмі плённымі.
За паўгода служэння ў Ганцавіцкім касцёле Ян Саламон сваёй прысутнасцю сярод вернікаў згладзіў боль і сум, выкліканыя развітаннем з папярэднім пробашчам кс. Андрэем Шодам, які з-за стану здароўя вымушаны быў пакінуць парафію. Прыхаджане ўдзячныя Пану Богу за тое, што не засталіся без духоўнага настаўніка. Сваёй сціпласцю, адкрытасцю і дабрынёю, якая проста свеціцца ў яго вачах, ксёндз Ян пасяліў у сэрцах вернікаў новыя надзеі, узмацніў веру ў тое, што калі мы з Богам, то мы не адзінокія. Няма, здаецца, невырашальных пытанняў, калі з імі звяртаюцца прыхаджане да свайго пробашча.
Каталіцкія вернікі дзякуюць Пану Богу за свайго пробашча.
Новости
- 10:59 Беларусь уходит в форель: старые рыбхозы в убытках, новые – в планах
- 16:00 Как всего несколько ложек мёда в день могут изменить ваше здоровье
- 14:30 Как быстро и легко остановить понос народными средствами!
- 22:44 Парень из Бреста после болезни в армии перенес онкологию и потерял глаз
- 09:20 Готовим и едим в Лиссабоне – мастер-класс по закускам
- 09:18 Четыре дня ткачества в Лиссабоне – как проходит ретрит у мастера
- 17:33 Дельфины под Лиссабоном – как проходит морская прогулка и сколько стоит
- 15:24 Рыбалка в Атлантике у Лиссабона – как проходит тур и что можно поймать
- 15:37 По следам тамплиеров и королей — один день, который объединяет средневековую Португалию
- 14:45 День с рыбаками в Кашкайше – как это устроено и стоит ли пробовать
Из рубрики
Даяркі з Кукава ў Ганцавіцкім раёне атрымліваюць адзнакі за малако
Як у школе з амаль «савецкай» сістэмай, ужо два тыдні працуюць даяркі ААТ «Дубнякі» Ганцавіцкага раёна, якім кожны дзень выстаўляюць адзнакі за якасць надояў. Па словах работніц сельгаспрадпрыемства, каб павысіць якасць малака, такую матывацыю ўвёў кіраўнік калгаса Уладзімір Грыгаран.