У Ганцавічах майстры пафестывалілі з артыстамі
Дзясяткі творчых людзей сабраліся ў нядзелю 29 жніўня на раённае свята народных промыслаў і фальклору “З народнымі традыцыямі ў новы век” .Толькі прэзентаваць майстэрства не было каму, бо гледачоў не было, калі не лічыць пару чалавек, якія заглянулі ў залу па просьбе арганізатараў.
Свята планавалі правесці ў скверы, але з-за дажджу майстры размясцілі выставы сваіх вырабаў у гарадскім Доме культуры.
Як кажуць, у цеснаце, затое не ў крыўдзе.


Але цеснаты ўдзельнікі мерапрыемства амаль не адчулі, бо з гледачоў прыйшлі толькі два чалавекі. Астатняя публіка – гэта самі арганізатары і ўдзельнікі.



Шкада, што багацце вышыванак, ткацтва, вырабаў з саломкі і іншых твораў, якія былі прадстаўлены майстрамі, а таксама выступленняў народных калектываў не пабачыла больш шырокая аўдыторыя.

А ўзровень нашых майстроў ды артыстаў заслугоўвае таго, каб імі цешыліся не толькі мясцовыя аматары народных промыслаў, але і госці з іншых рэгіёнаў. А калі культурны абмен не быў запланаваны, то важна, каб гэты народны скарб пасмакавалі хоць землякі, але ці шмат хто з жыхароў раёна мог ведаць пра такое свята, калі яго як след не рэкламавалі.



А ўдзельнікі ж рыхтаваліся загаддзя. Як паведамілі артысты з Раздзялавіч, яны збіраліся да свята некалькі тыдняў. Старэйшыя ў калектыве дзеці расказалі, што займаюцца танцамі чатыры гады і вельмі гэтаму рады.


Кіраўнік Раздзялавіцкага ГДК Вольга Рабцэвіч пахваліла дзяцей за тое, што ахвотна прыходзяць на трэніроўкі і годна выступаюць на сцэне.

Дзеці ведаюць старадаўнія песні і дзесяць танцаў, сярод якіх “Кракавяк”, “Падыспань”, “Яблычка”, “Лявоніха” і іншыя.


З цікавымі праграмамі выступілі калектывы з трох вёсак: Люсіна, Раздзялавіч і Хатыніч. Яны выканалі танцы і песні, якія раней “жылі” ў вёсках Ганцавіцкага раёна.
“Мы з сабою прывезлі спеў хатыніцкай зямлі. І калі вы знайшлі хвілінку ды прыйшлі да адпачынку, просім вас не сумаваць і уладна падпяваць”, – прэзентавалі сябе ўдзельнікі народнага аўтэнтычнага гурта “Хатовічы”.
Вясёлыя песні і танцы грымелі ў амаль пустым ГДК больш чым гадзіну. І ў падзяку за стараннасць начальнік аддзела ідэалагічнай работы, культуры і па справах моладзі Віктар Супрун моцна хваліў удзельнікаў свята і ўручыў усім дыпломы, падзякі і падарункі.
Дыпломы атрымалі:
народны фальклорны калектыў “Дубрава” Люсінскага СДК пад кіраўніцтвам Тамары Занька;

народны аўтэнтычны фальклорны калектыў “Завіца”;

дзіцячы фальклорны калектыў “Раўчукі” Раздзялавіцкага СДК (кіраўнік Раман Сімановіч);

народны аўтэнтычны фальклорны гурт “Хатовічы”;

дзіцячы фальклорны калектыў “Крынічка” Хатыніцкага СДК.

За правядзенне майстар-класаў адзначылі народны клуб “Багач”,


а за захаванне промыслаў і рамёстваў падзякавалі Наталлі Шаматульскай, Надзеі Ярашэвіч,





Ульяне Віннік, Ніне Казак, Валянціне Занька, Валянціне Дзікляевай і іншым майстрам.

Падаруначкі атрымалі і арганізатары: кіраўнік клубнай сістэмы Вольга Быковіч і дырэктар раённага Дома рамёстваў Ала Занька.

Віктар Супрун адзначыў, што ганцавіцкі Дом рамёстваў у пяцёрцы лепшых ў рэспубліцы.



“Вельмі прыемна, што працы нашых майстроў выстаўляліся нават на рэспубліканскіх мерапрыемствах такога ўзроўню, як “Славянскі базар”. Такім чынам мелі магчымасць паказаць не толькі Беларусі, але і ўсяму свету, што на Ганцаўшчыне самыя лепшыя майстры і самыя добрыя і прыгожыя людзі”, – сказаў Віктар Супрун.
Ён сказаў, што сталым майстрам трэба перадаваць талент дзецям, каб захаваць гісторыю краю. “Пакуль памятаем і перадаём нашу гісторыю, узбагачаем яе, то і жывём”, – падкрэсліў Віктар Міхайлавіч.
Новости
- 19:26 У Гродне пенсіянер загінуў пасля сутыкнення з раварыстам
- 19:23 Тарифы на ЖКУ хотят менять ежеквартально
- 18:40 В грибах Гомельщины нашли избыток цезия
- 18:29 Замежнік перарабіў сігнальную зброю ў агнястрэльную
- 18:22 Через «Берестовицу» запустят новые автобусы в Польшу
- 18:03 За беспилотник грозит штраф и конфискация
- 17:33 Белорусов ждут три выходных подряд
- 17:25 Мошенники заставили жителя Барановичей продать автомобиль
- 17:11 В Смолевичах строят дома для минских очередников
- 17:06 Телефонные мошенники втянули жителя Новополоцка в кредит
Материалы по теме
«Гэта тое, што трымае мяне на нагах». Натальля Локіць — пра беларускую тоеснасць у эміграцыі, «Купалінку» і дзяцей, якіх яна вучыць роднай мове
Натальля Локіць з Жодзіна расла ў рускамоўнай сям’і. Адзінай крыніцай беларускай мовы была бабуля, якая вучыла ўнучку праз казкі, песні і жарты. Сёння Наталля жыве ў Варшаве і праз тэатр ды школьныя заняткі дапамагае і дзецям, і дарослым адшукаць сваю беларускую тоеснасць. Для яе мова — гэта не толькі сродак камунікацыі, а ключ да захавання культуры, адзінства дыяспары і жывой сувязі з домам.
